Informazioaren kudeaketa eta informazio-emailearen babesa

Barneko informazio-sistema integratutako multzo bat da, barne-kanala komunikazioak jasotzeko eta informazioaren kudeaketarako prozedura osatzen duena. Hori guztia, otsailaren 20ko 2/2023 Legearen arabera antolatzen da, arau-hausteen eta ustelkeriaren aurkako borrokan informazioa ematen duten pertsonak babesteko arautzen duena, eta 2019ko urriaren 23ko Europako Parlamentuaren eta Kontseiluaren (EB) 2019/1937 Zuzentaraua oinarri hartuta, Europako Batasunaren Zuzenbidearen arau-hausteei buruz informatzen duten pertsonen babesa arautzen duena.

Helburua

Otsailaren 20ko 2/2023 Legearen 3. artikuluan aipatutako pertsonek ezagutzen dituzten jokabide irregularrak jakinarazi ahal izatea bermatzea, eta horiek behar bezala jarraipena izatea. Era berean, independentezia, konfidentzialtasuna, segurtasuna eta sistemara jotzen dutenek mendekurik jasoko ez dutela bermatzeko helburua du.

Barneko Informazio-Sistemaren helburua da lan- edo profesional-testuinguru batean Legearen 2. artikuluan aurreikusitako ekintza edo ez-egiteak hautematen dituzten pertsonak babestea, eta informazio hori Legean araututako mekanismoen bidez jakinaraztea.

Hortaz, prebentziorako, detekziorako eta arau-hausteen edo jardunbide txarren ebazpenerako sistema bat da, informazio-emaile potentzialek eskuragarri duten informazioa erraz eta erabat konfidentzialki helaraz dezaten bermatzen duena, Bizitegik arazoa ikertu eta, posible bada, konpon dezan.

Aplikazio pertsonalaren esparrua (3.art.)

Bizitegiren Barneko Informazio-Sistemak aurreko atalean aipatutako arau-hausteen berri emateko aukera emango die otsailaren 20ko 2/2023 Legearen 3. artikuluak aipatzen dituen pertsona guztiei.

Sistema hau Bizitegirekin harreman profesional edo lan-lotura duten pertsonak babestera bideratuta dago: kargu altuak, zuzendaritza-langileak, harreman profesionala amaitu duten pertsonak, boluntarioak, praktiketan edo prestakuntza-aldian daudenak, bekadunak (ordainsaria jaso edo ez), hautaketa-prozesuetan parte hartzen duten pertsonak, autonomoak edo kontratisten, azpikontratisten eta hornitzaileen esanetara edo zuzendaritzapean lan egiten dutenak. Halaber, informazio-emaileei laguntza ematen dieten pertsonak, errepresaliak jasan ditzaketen inguruko pertsonak eta informazio-emailearen jabetzako pertsona juridikoak ere hartzen ditu bere baitan.

Aplikazio materialaren esparrua (2.art.)

Honako irregulartasun hauek jakinarazi ahal izango dira:

  1. Europar Batasuneko Zuzenbidearen arau-hauste izan daitezkeen edozein ekintza edo ez-egite, betiere:
    1. Europako Parlamentuaren eta Kontseiluaren 2019/1937 Zuzentarauaren eranskinean zerrendatutako Europar Batasuneko zuzenbide-ekintzen aplikazio-eremuan sartzen badira, barne-ordenamendu juridikoak egindako kalifikazioa edozein dela ere.
    2. Europar Batasunaren interes ekonomikoak kaltetzen badituzte, Europar Batasunaren Funtzionamenduari buruzko Tratatuaren (TFUE) 325. artikuluan aurreikusitakoaren arabera.
    3. Barne-merkatuan eragina badute, TFUEren 26. artikuluaren 2. apartatuan aurreikusitakoaren arabera, Europar Batasunaren lehia-arauak eta estatuen emandako laguntzak urratzen dituzten arau-hausteak barne.
  2. Arau-hauste penal edo administratibo larriak edo oso larriak izan daitezkeen edozein ekintza edo ez-egite.
Informazioaren komunikazioa

Aplikazio-esparruaren barruan dagoen edozein pertsonak, informazio-materialaren esparruan deskribatutako jarduera kondenagarria hautematen badu, antolakundearen eskura jarritako kanalak erabiliz jakinarazi ahal izango du.
Komunikazioa honako bide hauen bidez egin ahal izango da:

  • Posta elektronikoa: canalinformante@bizitegi.org
  • Posta bidez: Bizitegi. Langaran 14-bajo, 48004 Bilbo
  • Telefono bidez: 946 08 70 08
  • Edo inprimaki baten bidez.

Oharra: Konfidentzialtasuna bermatzeko, datu horiek ematea ez da derrigorrezkoa.

    DBLO irakurtzea

    Barneko komunikazio-kanal hori aplikatzetik eratorritako datu pertsonalen tratamendua honako hauetan xedatutakoaren arabera arautuko da: Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua; Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoa; Datu Pertsonalak Babesteari buruzko maiatzaren 26ko 7/2021 Lege Organikoa, arau-hauste penalak prebenitzeko, hautemateko, ikertzeko eta epaitzeko eta zehapen penalak betearazteko tratatutako datu pertsonalak babesteari buruzkoa; eta Ustelkeriaren aurkako arau-urratzeei eta borrokari buruzko informazioa ematen duten pertsonen babesa arautzen duen otsailaren 20ko 2/2023 Legearen VI. tituluaren aurreikuspenak.

    Informazio-emaileak eskatu ezkero, aurrez aurreko bilera baten bidez ere aurkeztu ahal izango da informazioa, gehienez zazpi eguneko epean.
    Ahozko komunikazioen kasuan, informazio-emaileari jakinaraziko zaio komunikazioa grabatuko dela eta haren datuen tratamenduari buruzko informazioa emango zaio, Europako Batasunaren 2016/679 Araudia eta abenduaren 5eko 3/2018 Lege Organikoak ezarritakoaren arabera.

    Horrela, sistema honek arau-hausteen eta ustelkeriaren aurkako borroka indartzea du helburu, eta informazio-emaileak babesteko beharrezko mekanismo guztiak eskaintzen ditu.

    Eduki Osagarriak: